Лола Каримова-Тиллаева ўзбек халқининг тарихий тўқимачилик меросини сақлаш мақсадида Ўзбекистоннинг ЮНЕСКОдаги доимий ваколатхонаси томонидан ўзбек миллий матоларини ишлаб чиқариш усулларини ЮНЕСКОнинг Илғор Тажриба тўпламига киритиш бўйича иш олиб борилаётганини маълум қилди.
«Шойи – ўзида гўзаллик ва қулайлик, енгиллик ва жозибадорликни мужассам этган мато. Ўзининг ёрқин тайёрланиш услуби ва нақшларининг ўзига хослиги билан ажралиб турадиган хон атласда кўп миллатли қадриятларимиз мисоли кўзгудагидек ифода этган. Ўзбекистон замини ўзининг кўп асрлик «икат» услубидаги тўқувчилик мактаби билан ҳақли равишда фахрланади. «Икат» матолар тўқиш санъати халқимизнинг авлоддан-авлодга мерос бўлиб келаётган ноёб маданий бойлигидир. Моҳир ўзбек тўқувчи усталари яратадиган гўзалликда бетакрор матолар абр матолар деб аталиб, бу атама «булут», яъни тархи булутсимон кўринишдаги безаклар маъносини англатади. Бу ҳунармандчилик тури, мана неча асрларки, Шарқ Ренессанси давридан то ҳозирги кунга қадар ўзининг жозибадор нақшлари ва безаклари билан оламга гўзаллик ҳамда уйғунлик олиб келади. Ҳозирги кунда халқимизнинг тарихий тўқимачилик меросини сақлаш мақсадида Ўзбекистоннинг ЮНЕСКОдаги доимий ваколатхонаси томонидан ўзбек миллий матоларини ишлаб чиқариш усулларини ЮНЕСКОнинг Илғор Тажриба тўпламига киритиш бўйича иш олиб бориляпти. Илтимос, ўзбек атласига оид маълумотни ижтимоий тармоқларда тарқатишга ўз ҳиссангизни қўшиб, хон атлас либосларида тушган расмингизни #uzbekikat ёки #khanatlas хэштеги остида ижтимоий тармоқларда улашинг», — дейилади хабарда.
Изоҳ (0)