Қўшма Штатлар минтақада барқарорликни таъминлаш учун Осиёдаги ҳарбий иштирокини сақлашда давом этади. Бу ҳақда АҚШ мудофаа вазири Жеймс Мэттис Осиё-Тинч океани минтақасида хавфсизлик масаалари бўйича халқаро конференциядаги чиқишида маълум қилди, дея хабар беради «ТАСС».
«Биз ҳарбий иштирокимизни сақлашда давом этамиз. Шунингдек, минтақада барқарорликни қўллаб-қувватлаш бўйича дипломатик чораларни қўллашни ҳам давом эттирамиз. Биз мазкур минтақага, жумладан, Япония, Жанубий Корея, Индонезия ва Австралия билан муносабатларга устувор эътибор қаратамиз», — таъкидлади Жеймс Мэттис.
Пентагон раҳбари Қўшма Штатлар Жанубий Хитой денгизи акваториясида парвозлар ва патруллашни давом эттириш ниятида эканлигини маълум қилди. Шу билан бирга, Вашингтоннинг Пекин билан умумий манфаатлари кўплиги, улар, жумладан, терроризмга қарши кураш, Корея яриморолидаги вазиятни қамраб олишини билдирди.
Изоҳ (0)