БМТ Хавфсизлик кенгаши аъзолари Шимолий Кореяга нисбатан санкцияларни кенгайтириш тўғрисидаги резолюция лойиҳасини бир овоздан маъқуллади. «Коммерсантъ» хабарига кўра, мазкур ҳужжат КХДРнинг баллистик ракеталар учириши бетўхтов давом этаётганига жавобан АҚШ томонидан тайёрланган.
Санкция рўйхатига 14 жисмоний шахс ва тўртта юридик шахс қўшилган. Чекловлар КХДР атом энергияси бўйича бош бюрони бошқарувчи Шимолий Кореянинг Kumsan корпорациясига, ташқи савдо операциялари бўйича тўловларни амалга оширувчи Koryo банкига, шунингдек, КХДР халқ армиясининг стратегик ракета қўшинларига нисбатан жорий этилган.
Қора рўйхатга киритилган шахсларга нисбатан Пхеньянга қарши жорий этилган санкция тартиби, хусусан, бошқа мамлакатлар ҳудудига кириш тақиқи ва хориждаги молиявий активларнинг музлатиб қўйилиши кабилар татбиқ этилади.
Изоҳ (0)