АҚШ президенти Дональд Трамп Грузия мустақиллиги куни билан табриклаб, мамлакат бош вазири Георгий Квирикашвилига табрикнома йўллади, дея хабар бермоқда «Газета.ru».
«Мустақилликка эришганидан сўнг, Грузия демократия соҳасида етакчига айланди, бу эса жаҳон хавфсизлиги фойдасига хизмат қилмоқда», — деб ёзди Трамп.
Унинг қайд этишича, Грузия ташқи босимга қарамай, ўз келажагини белгилаш йўлидан дадил ва онгли равишда ҳаракат қилмоқда.
«Қўшма Штатлар халқаро тан олинган чегаралар доирасида Грузия суверенитети ва ҳудудий яхлитлигини қўллаб-қувватлайди», — дея қўшимча қилди Америка президенти.
Аввалроқ АҚШ армияда ислоҳотлар ўтказиш масаласида Грузияга кўмак бериши ҳақида хабарлар пайдо бўлган эди.
Изоҳ (0)