Саратов вилоятидаги Балашов аэродромида Ан-26 самолёти қаттиқ қўниши оқибатида бир ҳарбий хизматчи ҳалок бўлди. Бу ҳақда Россия мудофаа вазирлиги маълум қилди, дея хабар беради «ТАСС».
«Бир ҳарбий хизматчи ҳалок бўлди. Экипажнинг 5 нафар аъзоси қидирув-қутқарув хизмати вертолётида тиббий муассасага етказилди», — дейилади вазирлик хабарида.
30 май, сешанба куни маҳаллий вақт билан 05:40 да ўқув-машқ парвози давомида Балашов аэродромига қўниш чоғида самолёт пасайиш параметрларига дош беролмади.
Қўниш пайти ҳаво кемаси ёниб кетди. Унинг бортида 6 кишидан иборат экипаж бор эди.
Изоҳ (0)