Ҳукуматнинг россиялик 5 нафар дипломатни персона нон грата деб эълон қилиш ҳақидаги қарори провокациядан иборат. Молдова президенти Игорь Додон шундай фикр билдирди, дея хабар беради «РИА Новости».
«Европараст кучлар президент охирги ойларда эришган муваффақиятлардан дарғазаб бўлгани ва Молдова—Россия муносабатлари ёмонлашувига олиб келадиган тўғридан-тўғри провокацияга жазм қилганини тушуниб турибман», — деди Додон.
Молдова президенти маҳаллий ҳокимият «Брюссель ва Вашингтон, шунингдек, НАТОнинг мазкур минтақадаги геосиёсий ўйинларига аралашаётгани» ўта хавфли эканлиги ҳақида огоҳлантирди.
«Улар бу қарор бизга қанчалик қимматга тушиши, мамлакатимиз ва халқимизни нечоғли мураккаб вазиятга солиб қўйишини англаб етмаётганига ишончим комил. Бунинг салбий оқибатлари ўзини билдирмай қолмайди», — дея хулоса қилди Молдова президенти.
Изоҳ (0)