АҚШнинг Небраска штати Линколн шаҳрида яшовчи 19 ёшли ҳайдовчи янги ётқизилган цемент-бетон қопламадан юргани учун 10 минг доллар тўлайди, деб ёзади «Мотор».
Ҳайдовчи йўл ишлари бораётган жойни тўсиб турган белгилар ва конусларга эътибор бермасдан, тирбандликни айланиб ўтмоқчи бўлди. Янги бетон ҳодисадан ярим соатгина аввал ётқизилган. Йўлнинг бу қисмига ўтиб кетган Honda Civic ўша заҳоти бетонга ботиб қолди.
Зарар камида 10 минг долларга баҳоланмоқда. Ушбу маблағ ичига ишчиларнинг автомобилни итариб чиқаришга кетган вақти (бунга икки соат талаб этилди), зарар етган қопламани олиб ташлаш ва янги йўл ётқизиш харажатлари киритилди.
Изоҳ (0)