Грециянинг собиқ бош вазири Константинос Мицотакис 99 ёшида оламдан ўтди

Грециянинг собиқ бош вазири Константинос Мицотакис 99 ёшида оламдан ўтди. Бу ҳақда «ТАСС» хабар бермоқда.

Мицотакис Критдаги Ханья шаҳрида туғилганди. У таниқли сиёсатчи, мамлакатнинг кўп карра бош вазири Элефтериос Венизелоснинг қариндоши, ҳозирда асосий мухолифат партияси бўлган «Янги демократия» етакчиси Кириакос Мицотакиснинг отасидир. 

Константинос Мицотакис 1977 йилда «Янги либералллар» партиясига асос солди. Орадан бир йил ўтиб, партияси аъзолари билан биргаликда «Янги демократия» сафига кирди, кейинчалик уни бошқарди. 

1990—1993 йилларда Греция бош вазири лавозимини эгаллади. 1993 йили сайловларда мағлуб бўлганидан сўнг «Янги демократия» раҳбарлигини тарк этиб, унинг фахрий раиси бўлиб қолганди.