Жанубий Корея КХДРда ракета учирилганини маълум қилди

Жанубий Корея ҳарбийлари КХДР ракета учирди, деган фикрда. Бу ҳақда «Рёнхап» агентлиги хабар бермоқда, деб ёзади «РИА Новости».

Унинг маълумотларига кўра, Жанубий Корея президенти Мун Чже Ин КХДРда ракета учирилиши муносабати билан Хавфсизлик кенгашини чақириш ҳақида фармойиш берди.

Жанубий Корея штаб бошлиқлари бирлашган қўмитаси номаълум турдаги ракета Вонсан шаҳри ҳудудидаги КХДР қирғоқларидан учирилганини маълум қилди.

Манбалар агентликка ракета шарқий йўналишда парвоз қилганини айтди.

Токио ракета Япония иқтисодий зонасига келиб тушганини маълум қилди.

Ҳарбийлар таъкидлашича, ракета денгизга қулашидан аввал тахминан 450 км масофани босиб ўтган.