Afg‘oniston janubi-sharqidagi Xost shahrida yuz bergan portlash oqibatida kamida 18 kishi, jumladan, ikki nafar bola halok bo‘ldi. Bu haqda “TASS” xabar bermoqda.
Mahalliy TOLO News telekanalining Afg‘oniston ichki ishlar vazirligiga tayanib xabar berishicha, terrorchi-xudkush shahar avtobus parki hududida bomba o‘rnatilgan mashina ichida o‘zini portlatib yuborgan.
Associated Press axborotiga ko‘ra esa, portlash xavfsizlik kuchlari karvoniga qarshi qaratilgan bo‘lgan, biroq qurbonlarning aksariyati — tinch aholi vakillaridir.
Rasmiy ma’lumotlarga ko‘ra, hodisa oqibatida 18 kishi halok bo‘lgan, olti kishi tan jarohati olgan. Jabrlanuvchilar yaqin atrofdagi shifoxonalarga yetkazilgan.
Hodisa uchun javobgarlikni hozircha hech bir terrorchilik tashkiloti o‘z zimmasiga olgani yo‘q.
Izoh (0)