Ироқ қуролли кучларининг махсус топшириқли бўлинмаси ИШИД террорчилик гуруҳининг Мосулнинг ғарбий қисмидаги сўнгги таянчига ҳужумни бошлади. Бу ҳақда махсус топшириқли бўлинма қўмондони генерал Абдулғани ал-Асадий маълум қилди, деб хабар қилади «ТАСС».
Генералнинг сўзларига кўра, Ғарбий Мосул даҳаларини озод қилиш операцияси 27 май, шанба куни тонгда бошланган. Ироқ қуролли кучлари жангарилар Ғарбий Мосул умумий ҳудудининг фақат 5 фоизини эгаллаб турганини маълум қилди.
Олдинроқ Ироқ Ҳарбий-ҳаво кучлари Мосулга аҳолини шаҳар марказини тарк этишга чорловчи варақалар ташлаб кетгани хабар қилинганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)