АҚШ Марказий разведка бошқармаси Россия АҚШдаги сайловларга аралашишга интилаётгани ҳақида 2016 йил ёзидаёқ билган. Бу мавзуни МРБ собиқ раҳбари Жон Бреннан Россия Федерал хавфсизлик хизмати раҳбари Бортников билан суҳбатда очган, деб ёзади «РБК».
Бреннан 2016 йил августида ФХХ раҳбари Александр Бортников билан суҳбат чоғида Россиянинг сайловларга аралашиши масаласини кўтарганини айтди. Бундан ташқари, у билан Москвадаги америкалик дипломатларга босим ўтказишни муҳокама қилган. Бреннан Россия «олов билан ўйнашаётгани» ҳақида огоҳлантирган. Бортников бу сўзларни Путинга етказишга ваъда берган.
Бреннан Россия ва АҚШнинг алоҳида шахслари ўртасида сайловларга аралашув борасида тил бириктириш бўлган-бўлмагани ҳақида билмаслигини, аммо ушбу масалани текшириш ва бу юзасидан хавотирланиш учун асос бўлганлигини айтди.
МРБ собиқ раҳбари сайловларга аралашишга эҳтимолий уринишлар ҳақида Барак Обама ва АҚШнинг бошқа мансабдорларига етказган, шунингдек, бу мавзуни у конгрессменлар билан муҳокама қилган.
Изоҳ (0)