2017 йилнинг 24 май куни Ўзбекистон Республикаси Ташқи ишлар вазири Абдулазиз Комилов Буюк Британия ва Шимолий Ирландия Бирлашган Қироллигининг Тошкент шаҳридаги элчихонасига ташриф буюрди, деб хабар берди вазирлик матбуот хизмати.
Вазир 22 май куни Манчестер шаҳрида амалга оширилган террорчилик ҳаракати оқибатида кўплаб инсонлар ҳалок бўлгани муносабати билан чуқур таъзия изҳор этди ва элчихонада очилган Ҳамдардлик китобига қайд киритди.
Ўз навбатида элчи Кристофер Аллан Президент Шавкат Мирзиёевнинг Буюк Британия учун қайғули паллада ҳамдарлик ва далда сўзларини билдириб Бош вазир Тереза Мэй номига йўллаган мактуби учун Ўзбекистон томонига самимий миннатдорчилик билдирди.
Изоҳ (0)