2017 йилнинг 27 май куни «Ўзэкспомарказ» конференц-залида «Маркетингдаги коммуникациялар» мавзусига бағишланган «4P» конференцияси бўлиб ўтади. Конференция коммуникациялар кенг мавзусини очиб беради ҳамда маркетологлар ва турли соҳалар мутахассислари учун сифатли коммуникациялар ролини ва аҳамиятини қайд этади.
Тадбир Миллий маркетинг маркази кўмагида Oqlivy PR халқаро агентликлар тармоғининг Тошкентдаги «Tayniy Sovetnik — OgilvyPR» офиси томонидан ўтказилмоқда.
Конференциянинг асосий мақсадлари маркетинг соҳасидаги мутахассисларнинг профессионал даражасини ошириш имконини берувчи тадбирлар ва фаолиятларни ташкил қилиш, маркетинг соҳасидаги жаҳон тенденциялари ҳақида билимлар олинишини таъминлаш, замонавий бозор талабларига жавоб берувчи кучли мутахассислар ўсишини таъминловчи профессионал майдонларни яратишдан иборат.
Конференция спикерлари жаҳон трендлари, янги ечимлар ва истиқболлар ҳақида гапиради. Тадбирга ўз соҳасидаги етакчи компаниялар раҳбарлари, маркетинг департаментларининг раҳбар ва мутахассислари таклиф этилган. Махсус меҳмон сифатида Ахборот технологиялари ва коммуникацияларини ривожлантириш вазири вазифасини бажарувчи Шерматов Ш. Х. иштирок этади.
Изоҳ (0)