Шимолий Кореянинг Uriminzokkiri тарғибот сайти, гўёки, АҚШ ва Жанубий Корея махсус хизматлари таъсири остида мамлакат етакчиси Ким Чен Инга нисбатан суиқасд тайёрлашда қатнашган КХДР фуқароси акс этган видеоёзувни эълон қилди, деб ёзади «Газета.ru».
Видеода Ким Сон Ир деб аталган киши кўрсатилган. Унинг сўзларига кўра, «у республикага қарши душманларча тарғибот билан лақиллатилган ва даҳшатли жиноятга жалб қилинган».
Видеоролик доирасида Samsung смартфони ва планшети кўрсатилган. Сайт муаллифлари таъкидлашича, девайслар Жанубий Корея махсус хизматлари томонидан тақдим этилган ва Ким Сон Ирни «ғоявий таъсирга олиш учун фойдаланилган».
Телефондан шимолий кореялик ва Жанубий Корея махсус хизматлари вакиллари ўртасидаги ёзишмалар топилган.
Шунингдек, роликда Ким Сон Ирнинг Хабаровскда яшаган вақтларидаги суратларини кўриш мумкин.
Изоҳ (0)