АҚШ президентига унинг Саудия Арабистонига ташрифи чоғида ҳамроҳлик қилган рафиқаси Мелания ва қизи Иванка ислом давлатида аёллар учун белгиланган кийиниш қоидаларига риоя этишга ҳаракат қилди, аммо рўмол ўрашдан бош тортди, деб ёзади «ТАСС».
Сафарга калта тўқ сариқ рангли юбка ва фил суяги рангидаги кофтада отланган Мелания Ар-Риёдда самолётдан анъанавий араб аёллари либоси — абайяни эслатувчи, қўл ва оёқларни тўлиқ ёпиб турувчи қора либосда тушди. Аммо унинг бошига қора рўмол ўралмаган эди.
Нашр эслатишича, икки йил аввал Барак Обама қиролликка ташриф буюрганида Трамп ўз Twitter’ида Мишель Обамани рўмол ўрамагани учун танқид қилган ва буни «саудияликларни ҳақорат қилиш» деб атаган эди.
Парвоз чоғида калта кўйлагини этаги ва енги узун қора гулли кўйлакка алмаштириб олган Иванка Трамп ҳам бош кийимдан воз кечди.
Изоҳ (0)