Афсонавий актёр ва жанг санъати устаси Жан-Клод Ван Даммнинг қизи — Бьянка Ван Варенберг (отасининг ҳақиқий фамилияси айнан шундай янграйди) ёш бўлишига қарамай, спорт ва кинода муваффақиятларга эришди ва таниқли фамилиянинг муносиб давомчисига айланди, деб ёзади AdMe.
Қиз таъкидлашича, унда спортга муҳаббат болалигиданоқ уйғонган, аммо дастлаб жанг санъатини эмас, конькида учиш спортини афзал билган.
Вақт ўтиши билан, Бянкада барибир якка курашга нисбатан қизиқиш пайдо бўлди ва энди у отасининг трюкларини маҳорат билан такрорлай олади. Улар кўпинча биргаликда машқ қилади, баъзан эса спортзалда бир-бири билан жанг қилади. Бянка отасини ўзи учун ўрнак деб билса, Ван Дамм учун қизи — унинг фахри.
Бянка нафақат спортда, балки кинода ҳам отасининг изидан боришга қарор қилди. 2012 йилда «Ташқаридан ҳужум» фильмида бош ролни ўйнади. Бугунги кунда қизнинг репертуарида у актриса, продюсер, сценарийнавис ва рассом сифатида қатнашган ўндан ортиқ картина бор.
Изоҳ (0)