Интернет тармоғида Apple компаниясининг янги iPhone моделини суратлари пайдо бўлди. Суратларни BGR портали эълон қилди, деб хабар берди «Газета.ru».
Суратлардаги смартфон ҳақиқий эмас, балки компания гаджетнинг ташқи кўриниши борасида тасаввурга эга бўлиш мақсадида ишлаб чиқарилган модель. Манбанинг таъкидлашича, суратда 2017 йилнинг кузида тақдим этилиши керак бўлган янги iPhone 8’нинг якуний дизайни тасвирланган.
Бир қарашда модель матбуотда айланаётган Apple’нинг янги смартфони борасидаги гап-сўзларга мос келади — унда «Уйга» тугмачаси ва ҳудди iPhone 7’даги каби наушниклар учун стандарт разёмлар мавжуд эмас. Телефон иккита 2.5D-ойнадан иборат бўлгани ва бурчаклари қайрилма кўринишда ишлангани сабаб чоки йўқдек тасаввур уйғотади. Орқа томонида бармоқ изи сканери мавжуд эмас, бироқ иккита вертикал камерага эга.
Изоҳ (0)