Apple акциялари рекорд қийматларда сотилмоқда, бироқ улар янги iPhone’га бўлган талаб туфайли ўсишда давом этишини тахмин қилишга асос бор. Бу ҳақда Insider хабар бермоқда.
Goldman Sachs таҳлилчиси Симона Янковски акциялар нархи бўйича прогнозни 164 доллардан 170 долларгача оширди, бу эса компанияга салкам 900 миллиард доллар ҳажмидаги бозор капиталлашувини тақдим этади. Олдинроқ Apple 800 миллиард доллар кўрсаткичига эришган дунёдаги илк компания бўлганди.
Янги, 5,8 дюймли iPhone қатор қўшимча афзалликларга, жумладан, смартфон олди юзасини буткул эгаллаган OLED-дисплейга эга бўлиши кутилмоқда. Шунингдек, янги смартфон катта ҳажмдаги хотира ва ўта кучли аккумулятор билан жиҳозланади. Шу сабабли iPhone Х чакана нархи ҳатто 1000 доллардан ҳам ошиши мумкин.
Экспертларга кўра, сентябрь ойига мўлжалланган тақдимотдан кейинги дастлабки чоракларда смартфонлар сотувида янги iPhone улуши 58 фоизни ташкил этади. Катта экранли телефонларга талабнинг ошиб бораётгани шундан далолат бермоқда.
Изоҳ (0)