Британиянинг The Independent нашри турли сабабларга кўра, сайёҳларни яхши кутиб олмайдиган саккизта жой рўйхатини тузди. Рўйхат тузувчилар қандай мезонларни ҳисобга олгани номаълум.
Саёҳатчиларга нисбатан энг илтифотсиз жой деб нашр АҚШнинг Арлингтон (Техас штати) шаҳрини қайд этди. 2015 йилдаёқ Stratos Jets чартер ташувчиси 37 мингта геотегларни таҳлил қилиб чиқиб, шаҳарда сайёҳларга муносабат АҚШдаги энг ёмони деб топган эди.
Иккинчи ўринда Италиядаги Чинкве-Терре миллий боғи эгаллади, у ЮНЕСКОнинг Жаҳон мероси рўйхатига киради. 2016 йилда ҳукумат қарори билан табиий қўриқхона ҳудудига кириш пулли бўлди. 2015 йил ёзида боғга 2,5 миллион киши ташриф буюрган, ўтган йили эса саёҳатчилар сони 1,5 миллиондан ошиши билан, Чинкве-Террега ташрифни бутунлай тақиқлаб қўйишди.
Рейтингнинг учинчи поғонасини Грециянинг Санторини ороли эгаллади. Ўтган йили орол маъмурияти маҳаллий портга кираётган круиз лайнерлари сони ҳаддан ташқари кўпайиб кетганини маълум қилди. Ҳар куни бу ерга денгиз орқали 10 минг саёҳатчи кириб келган. Келаётган ёзда ҳукумат ушбу рақамни саккиз мингтагача камайтиради.
Шунингдек, рўйхатга Япониядаги онсен иссиқ булоқлари, Амстердам, Барселона, Бутан ҳамда Таиланднинг Ко-Кай ороли кирди.
Изоҳ (0)