Ўзбекистон Президенти Шавкат Мирзиёев Сирдарё вилоятининг Мирзаобод туманидаги «Абдуғани Турдибоевич» фермер хўжалиги фаолияти билан танишди. Бу ҳақда ЎзА хабар бермоқда.
Кўп тармоқли фермер хўжалиги 34 гектар ер майдонига эга. Шундан 16 гектарида пахта, 15 гектарида ғалла, 3 гектарида соя етиштирилмоқда.
Президентнинг «2017-2021 йилларда республикада соя экини экишни ва соя дони етиштиришни кўпайтириш чора-тадбирлари тўғрисида»ги қарори ва Самарқанд вилоятига ташрифи чоғида берилган топшириқлари ижросини таъминлаш мақсадида жорий йилда мамлакатда 2,2 мингдан зиёд фермер хўжалигида шартнома асосида 21 минг гектар майдонга соя экиш кўзда тутилган.
Натижада 33,7 минг тонна соя дони етиштирилиб, 6,1 минг тонна ўсимлик ёғи ҳамда 25 минг тоннадан ортиқ соя шроти ишлаб чиқарилади.
Соя етиштиришни кўпайтириш, уни шу ернинг ўзида қайта ишлаб, экспортга ҳам йўналтириш чораларини кўриш керак. Соя экиш орқали ер унумдорлигини ошириш, соя агротехникаси бўйича мутахассислар тайёрлаш лозим.Давлат раҳбари вилоятда боғдорчилик, чорвачилик ва паррандачиликни ривожлантириш лойиҳаларини ҳам кўздан кечирди. Лойиҳалар бўйича фикрларини билдириб, мутасаддиларга тегишли топшириқлар берди.Шавкат Мирзиёев, Ўзбекистон Президенти
Шавкат Мирзиёев шу ерда нуроний отахонлар билан мулоқот қилди.
Изоҳ (0)