Грецияда денгизчилар ва журналистлар 16 май, сешанба куни 48 соатли оммавий иш ташлашни бошлади. Бу ҳақда «РБК» хабар бермоқда.
Акция туфайли бутун мамлакат бўйлаб грек ороллари ўртасидаги паром қатнови тўхтатилади. Журналистлар сутка давомида янгиликларни эфирга узатмайди.
Tornos News порталига кўра, акцияга авиадиспетчерлар ҳам қўшилди. Улар 17—18 май кунлари 4 соатли иш ташлаш ўтказади, бу пайт авиақатновларда танаффуслар юзага келиши мумкин.
Шунингдек, ушбу кунларда бошқа жамоат транспорти (автобус, троллейбус, поезд) ходимлари ҳам қўшилади.
Акция иштирокчилари ҳукуматнинг халқаро кредиторлар билан иқтисодий чоралар бўйича янги келишувига норозилик билдирмоқда. Унга биноан, Греция пенсия харажатларини қисқартириш ҳисобига 2019 йил бюджетида ялпи ички маҳсулотнинг 1 фоизи атрофида иқтисодга эришиши лозим. 2020 йилда ҳам бу кўрсаткич такрорланиши кўзда тутилган.
Изоҳ (0)