Alibaba Group улкан электрон савдо компанияси асосчиси Жек Ма Wanda Group корпорацияси раҳбари Ван Цзяньлинни ортда қолдирди ва Хитонинг энг бой одамига айланди, деб хабар берди «Корреспондент.net».
Forbes журналининг маълум қилишича, 12 май куни Жек Манинг бойлиги 30,9 миллиард долларга, Ван Цзяньлиннинг бойлиги эса 30,7 миллиард долларга баҳоланган.
Ван Цзяньлиннинг асосий даромади кўчмас мулк ва кўнгилочар бизнеслардан. Жек Манинг бойлиги Alibaba акциясининг ушбу йилда компания даромадини кўтарилиши ҳисобига ортган.
Айни вақтда Forbes’га кўра Осиёнинг энг бадавлат одами гонконглик мультимиллиардер Ли Цзячэн ҳисобланади. Унинг бойлиги 32,9 миллиард долларга тенг.
Alibaba Group’га 1999 йилда Жек Ма томонидан асос солинган бўлиб, ҳозирда Хитойдаги улкан интернет-компания ҳисобланади. Шунингдек, унинг таркибига Alibaba Pictures, Alibaba.com, AliExpress.com, Taobao.com, Tmall.com каби шўъба ва интернет сайтлари киради.
Изоҳ (0)