БМТнинг инсон ҳуқуқлари бўйича олий комиссари бошқармаси АҚШ Давлат департаментининг Сурия қамоқхоналаридан бирида крематорий яратилгани ҳақидаги ахборотини тасдиқлай олмайди. Бу ҳақда Женевада ўтган брифингда идора вакили Равина Шамсадоний маълум берди, деб хабар қилади «ТАСС».
Бир муддат илгари АҚШ давлат котибининг Яқин Шарқ ишлари бўйича ёрдамчиси Стюарт Жонс Суриянинг «Сайдная» қамоқхонасида қийнаб ўлдирилганларнинг таналаридан қутулиш учун крематорий яратилгани ҳақида маълумот берган, аммо ушбу ахборотнинг аниқ манбаларини кўрсатмаган эди. БМТ вакили мазкур хабарга изоҳ бериб ўтди.
«Крематорий ҳақидаги хабарларга келсак, ҳозирча биз унинг мавжудлигини тасдиқлай олмаймиз, вазият шунақа», — таъкидлади Шамсадоний хоним.
Изоҳ (0)