Tesla, SpaceX ва Boring Company компаниялари асосчиси Илон Маск Лос-Анжелес остидан ўтадиган автомобиль туннелининг қурилиш жараёни ҳақида ҳикоя қилиб берди ҳамда биринчи синовларни намойиш этди. Бу ҳақда TJournal хабар бермоқда.
Макс автомобиллар Вествуддан Лос-Анжелес аэропортигача бўлган масофани беш дақиқада босиб ўтишини ваъда қилмоқда. The Verge’га кўра, оддий трафик ҳолатида бундай сафар 35–40 дақиқа вақт олади.
Instagram’даги саҳифасида Маск машиналарни туннелга олиб борувчи платформанинг ишлаши акс этган видеони жойлаштирди. Таъкидланишича, максимал тезлик соатига 200 километрни ташкил қилади.
https://www.instagram.com/p/BT_itC8h0Cx/
Биринчи йўналиш Лос-Анжелесдан Калвер-Сити, Санта-Моника, Вествуд ва Шерман Оуксга бориши режалаштирилмоқда. Маск ушбу лойиҳа реализацияси учун шаҳарлар маъмуриятларидан рухсатнома олган-олмагани ҳали номаълум. Tesla ҳудудида қурилишлар рухсатсиз ҳам давом этиши мумкин.
Яна бир видеода бурғу машинасининг олд қисми намойиш этилди. Маскнинг сўзларига қараганда, конструкция бир пайтнинг ўзида туннелни қазиш ва мустаҳкамлаш имконини беради, бу эса вақт ва харажатларни қисқартиради.
https://www.instagram.com/p/BT_hTnMBFcA/
Яна бир суратда Гэри лақабли шиллиқ қурт акс этган. Маскнинг режасига кўра, у Годо номли бурғу машинаси билан тезлик бўйича беллашиши лозим.
Илгари Маск туннели қандай ишлашини намойиш қилиб берган эди. Юқоридан машинани ҳаракатланувчи платформа олиб кетиб, рельссифат йўлдан керакли нуқтага етказиши лозим.
Январь ойининг охирида Илон Маск туннель қурилишининг бошланиши юзасидан ҳисобот берди. Айтилишича, у Лос-Анжелесдаги катта тирбандликда қолиб кетган пайти лойиҳа ғояси ақлига келиб қолган. Синов траншеяси тайёр бўлганидан сўнг у нима қилаётганини ўзи ҳам билмаслигини таъкидлаб ўтган эди.
Изоҳ (0)