Бразилиялик 16 ёшли ўсмир қиз Витория Мюллер тирик оғмахонни микротўлқинли печга солиб қиздиргани акс этган видео учун тармоқ фойдаланувчилари томонидан қаттиқ қораланди. Бу ҳақда The Mirror хабар берди.
Видео Facebook’га жойланганидан сўнг қизга танқидлар ёғила бошлади ва у ижтимоий тармоқлардаги ўз профилларини ўчириб ташлашга мажбур бўлган. Шунингдек, фойдаланувчилар #PunicaoParaVitoria (#VitoriyaUchunJazo) ҳэштегини ҳам ишга туширган ва полицияни воқеага эътибор қаратишга чақирган.
Воқеани қизнинг отаси пайқаб қолган ва қизини нима учун бундай қилганини тушунтиришга мажбур қилган. Витория дўстлари билан гаров ўйнаб, ҳайвонни печга солганини айтиб берган.
«Бизнинг оилада бундай ҳодиса юз берганидан жуда афсусдамиз. Биз ҳайвонларни жуда яхши кўрамиз ва ҳеч қачон бундай ишни қилмаган бўлардик. Яна бир бор бизни кечиринг», — деб узр сўраган қизнинг отаси ижтимоий тармоқда қолдирган постида.
Оғмахон оиладан олинган ва махсус бошпанага юборилган. Текширув ўтказган ветеринарлар ҳодиса натижасида ҳайвон ҳеч қандай жабр кўрмаганини қайд этган.
Изоҳ (0)