Кемерово вилоятида 3 ёшли болакай 5-қават деразасидан тушиб кетиб, оғир жароҳатлар олди. Бу ҳақда Россия Тергов қўмитасининг вилоятдаги бошқармаси матбуот хизмати маълум қилди, дея хабар беради «ТАСС».
«Дастлабки маълумотларга кўра, ўғил бола уйда ота-онаси билан бирга бўлган. Атиги бир неча дақиқа назоратсиз қолган болакай деразадан учиб ўтаётган самолётни кўриб, дераза токчасига чиқади ва 5-қаватдан тушиб кетади. Унинг йўқлигини пайқаган катталар боланинг пастда, асфальтда ётганини кўриб, тез ёрдам чақиради», — дея аниқлик киритди матбуот хизмати.
Бола оғир ҳолатда кесалхонага ётқизилди. Ҳозирда юз берган ҳодиса тафсилотлари ўрганилмоқда.
Изоҳ (0)