Ўзбекистон Президенти Шавкат Мирзиёев Яшнобод туманига ташрифи чоғида кутилмаганда 32-оилавий поликлиникага кирди. Бу ҳақда ЎзА хабар бермоқда.
Президент поликлиниканинг иш тартиби билан қизиқди. Муассасанинг самарадорлигини ошириш, уйларга чиқиб, аҳолига патронаж хизмати кўрсатишни янада кучайтириш зарурлигини таъкидлади.
Мобил тиббий ёрдам қамровини кенгайтириш, поликлиникани таъмирлаш ва аҳоли учун қулайликларни ошириш бўйича кўрсатмалар берди.
Ушбу оилавий поликлиника «Асалобод», «Маърифат», «Ширинобод», «Жўрабек», «Яссавий», «Бойсун» маҳаллаларидаги 27 минг 285 аҳолига хизмат кўрсатмоқда, тез тиббий ёрдам пункти кечаю кундуз ишламоқда.
«Президентимиз поликлиника жойлашган маҳалладаги одамлар билан мулоқот қилди», — дейилади ЎзА ахборотида.
Изоҳ (0)