O‘zbekiston Prezidenti Shavkat Mirziyoyev Yashnobod tumaniga tashrifi chog‘ida kutilmaganda 32-oilaviy poliklinikaga kirdi. Bu haqda O‘zA xabar bermoqda.
Prezident poliklinikaning ish tartibi bilan qiziqdi. Muassasaning samaradorligini oshirish, uylarga chiqib, aholiga patronaj xizmati ko‘rsatishni yanada kuchaytirish zarurligini ta’kidladi.
Mobil tibbiy yordam qamrovini kengaytirish, poliklinikani ta’mirlash va aholi uchun qulayliklarni oshirish bo‘yicha ko‘rsatmalar berdi.
Ushbu oilaviy poliklinika “Asalobod”, “Ma’rifat”, “Shirinobod”, “Jo‘rabek”, “Yassaviy”, “Boysun” mahallalaridagi 27 ming 285 aholiga xizmat ko‘rsatmoqda, tez tibbiy yordam punkti kechayu kunduz ishlamoqda.
“Prezidentimiz poliklinika joylashgan mahalladagi odamlar bilan muloqot qildi”, — deyiladi O‘zA axborotida.
Izoh (0)