АҚШда ишсизлик 2007 йилдаги даражагача пасайди

2017 йилнинг апрелида АҚШда ишсизлик даражаси 4,4 фоизгача пасайди, деб хабар бермоқда «Газета.ru».

Бу 2007 йил май ойидан бери кузатилаётган энг кам кўрсаткичга айланди.

Маълум қилинишича, қишлоқ хўжалигидан бошқа соҳаларда банд америкаликлар сони 211 минг кишига кўпайган.

Маош эса соатига етти центга ошиб, йиллик кўрсаткич бўйича 2,5 фоизни кўрсатди.

Бандликнинг аҳоли сонига нисбати 60,2 фоизгача кўтарилиб, 2017 йилдаги энг яхши кўрсаткичга айланди. Шунингдек, мазкур даража 2009 йил февралидан бери кузатилаётган энг баланд кўрсаткич сифатида қайд этилди.