Жанубий Қозоғистон вилоятидан Ўзбекистонга «Дўстлик карвони» йўл олди. Бу ҳақда «1news.uz» хабар бермоқда.
Жанубий Қозоғистон вилоят ҳокими матбуот хизматига кўра, Ўзбекистонга келган қозоғистонлик оқсоқоллар Тошкентда Тўлабий қабрини, сўнг Самарқандда Амир Темур ва Ялангтўш Баҳодир, Бухорода Баҳоуддин Нақшбанд мақбараларини зиёрат қилади.
Оқсоқолларнинг Ўзбекистон Байналмилал маркази, Республика қозоқ маданий маркази ва бошқа тарихий-маданий марказлар билан танишиши, ўзбек қардошлари билан мулоқотда бўлиши ҳам кўзда тутилган.
Мазкур тадбир Қозоғистон халқлари ассамблеяси ва Ўзбекистон Байналмилал маркази ўртасида имзоланган ҳамкорлик тўғрисидаги меморандум доирасида амалга оширилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)