Хоразмда сомон ортилган юк машинаси троллейбус сими тортилган кўчадан ўтаётиб, унга тегиб кетди. Сомон аланга олиб, юк машинасини ҳам ўт ичида қолдирди. Бу ҳақда Facebook’даги «Водители Ташкента» («Drivers.uz») гуруҳи аъзолари хабар берди.
Постга илова қилинган видеода юк машинаси йўл четида қуюқ тутун чиқариб ёнаётганини кўриш мумкин. Автомобиль бутунлай олов ичида қолган. Шунингдек, ўт ўчириш машинаси етиб келганини ва ёнғинни бартараф этишга киришганини кўриш мумкин.
Ҳодиса натижасида автомобиль ҳайдовчиси ёки бошқа кишилар жабр кўрган-кўрмаганига аниқлик киритилмаган.
Изоҳ (0)