1 майдан Ўзбекистонда янги телеканал ўз фаолиятини бошлади. Аввалроқ тест режимида намойиш этилаётган «Caravan ТV» ўзининг тўлиқ дастурларини эфирга узатмоқда, деб ёзади «Darakchi.uz».
Телеканал кўрсатувлари бутун республика бўйлаб рус ва ўзбек тилларида намойиш этилади.
Телеканал ижодкорларининг маълум қилишларича, айни дамда ўндан ортиқ лойиҳа тайёрланган бўлиб, улар Ўзбекистоннинг ва дунёнинг турли мамлакатлари туристик салоҳиятини ўз ичига олади. Телеканални ташкил этишдан мақсад Ўзбекистоннинг туристик салоҳиятини оширишдан иборат.
Лойиҳалар орасида «Санъат ва саёҳат», Cover version battle, Caravan music, «Саёҳатдан сўнг», «Супер 5», «Говорят» ҳамда «Танци на белом» кўрсатувлари мавжуд.
Телеканалнинг тантанали очилиш маросими жорий йилнинг 15—16 май кунлари Тошкент ва Самарқандда «Ўзбекистон маданий мероси — халқлар ва мамлакатлар ўртасидаги мулоқотга йўл» мавзуида ўтказиладиган икки кунлик халқаро илмий-маданий конгресс доирасида ўтказилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)