Алишер Усмонов ўткинчиларни таниб олувчи «ақлли» реклама тахталарига инвестиция киритди

Ўткинчиларни «таниб олувчи» реклама тахталари технологияси учун oneFactor компанияси Алишер Усмонов ва шерикларининг USM гуруҳидан 2 миллион доллар олди. «РБК» «ақлли» билбордлар қандай ишлашига аниқлик киритишга уринди.

oneFactor тизими онлайн режимида муайян лаҳзада экран ёнида қандай аудитория турганини аниқлайди ва у учун мос келувчи рекламани танлайди. Компания 2017 йил мартидан Новосибирскдаги 22 та рақамли билбордларда рекламани таргетлашни бошлади.

Бунда у ушбу аудитория ҳақида ўз шериклари — «МегаФон» уяли алоқа оператори, унинг шўъбаси — Yota, шунингдек, мобил дастурлардан олинган маълумотларни таҳлил қилади. Операторларда база станцияларига тушаётган юклама тўғрисида ахборот бўлади, у мижозлар бир станциядан иккинчисига уланиб, у ёқдан бу ёққа кўчиб юришини кўрсатади. Тизим қандай аудиторияга тегишли одамлар реклама тахтасига яқинлашаётганини кузатади, масалан, баннерга институтга кетаётган талабалар яқин келганини тушуниб олиши мумкин.

Россия қонунлари шахсий маълумотларни учинчи шахсларга тақдим этишни тақиқлайди, аммо «МегаФон» таҳлил учун тармоққа мобил қурилмалардан тушаётган юклама ҳақида ҳеч кимга қарашли бўлмаган маълумотларни тақдим этади. Яъни аудиторияни ижитмоий-демографик профиль бўйича гуруҳлаш мобил дастурлардан олинган статистика ёрдамида амалга ошади.