Фонд биржаси — акциялар, облигациялар, фонд ва ишлаб чиқариш воситалари сотиладиган ва сотиб олинадиган жой. Insider нашри дунёдаги энг йирик 20 та фонд биржасидан иборат жамланмани тақдим этди.
20 та энг йирик фонд биржалари ичида энг ёши каттаси Франкфурт фонд биржаси ҳисобланади. XI асрнинг ярмарка савдолари маркази бўлган шаҳар савдо ва пул операцияларининг муҳим марказига айланган. Биржа кўча савдогарлари томонидан 1585 йилда валютани алмаштиришнинг қатъий курслари белгиланганидан сўнг юзага келган дейилади.
1875 йилда асос солинган Бомбей фонд биржаси Осиёдаги биринчи савдо майдонига айланган. Биржада 5749 та акциядорлик компанияси рўйхатдан ўтган бўлиб, дунёдаги энг кўп компанияларни бирлаштирган фонд биржаси ҳисобланади. Асосан, улар кичик компаниялар бўлиб, уларнинг биржадаги ўртача бозор капитализацияси 292 миллион долларни ташкил қилади.
Нью-Йорк фонд биржасининг капитализацияси 20 триллион долларни ташкил этиб, бу кўрсаткич бўйича энг йирик биржа ҳисобланади. Кейинги ўринни етти триллион доллар билан NASDAQ эгаллаб турибди. Учинчи қатордан жой олган Лондон фонд биржасининг капитализация миқдори олти триллион долларни ташкил қилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)