Ўзининг қулайлиги ва салобатлилиги билан улкан йўлтанламаслар автомобиль ишқибозларининг энг севимли машиналари қаторида туради. «Проавто» бешта йирик йўлтанламасдан иборат жамланмани тақдим этди.
Lincoln Navigator L
Қайта рестайлингдан ўтган автомобилнинг юкхонаси 700 литр ҳажмга эга.
Lincoln Navigator L 3,5 литр сиғимли 384 от кучига эга икки турбинали V6 двигатели ҳамда олти даражали автоматик тезлик узатиш қутиси билан жиҳозланган.
Toyota Sequoia
Sequoia Toyota’нинг йирик йўлтанламасларидан бири ҳисобланади. Машина 5,7 литр сиғимли 386 от кучига эга V8 VVT-I двигатели билан жиҳозланган. Автоматик тезлик узатиш қутиси олти поғонали.
Nissan Armada (Patrol)
Nissan томонидан 2004 йилдан буён ишлаб чиқарилаётган Nissan Armada йўлтанламаси Nissan F-Alpha асосида йиғилган. 2016 йил февраль ойида Nissan Patrol Y62 асосида яратилган янги Nissan Armada тақдим этилди.
Ўзгартиришлар ҳисобига Armada Nissan’нинг энг йирик йўлтанламасига айланди. Автомобиль 5,6 литр сиғимли 405 от кучига эга V8 двигатели билан жиҳозланган. Автоматик тезлик узатиш қутиси етти даражали.
GMC Yukon XLz
Йўлтанламаснинг кузови узунлиги 5,7 метр, эни икки метрни ташкил қилади.
GMS Yukon XL 6,2 литр сиғимли 409 от кучига эга V8 двигатель билан жиҳозланган. Тезлик узатиш қутиси — олти босқичли автоматик. 6,9 сонияда 100 км/соат тезликка эришади, энг юқори тезлиги 180 км/соат.
Dartz Prombron
Буюртма асосида ишлаб чиқиладиган Dartz Prombron’нинг вазни уч тоннани ташкил қилиб, 300 км/соат тезликда ҳаракатлана олади. 6,0 сиғмли двигатели 560 от кучига эга. 100 км/соат тезликка эришиши учун 5,2 сония талаб қилинади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)