Олимлар Каспий денгизида тюленларнинг фожиали ўлимига нима сабаб бўлганини катта эҳтимол билан аниқлай олмаса керак, деб маълум қилди воқеа жойига етиб келган микробиология ва вирусология институти олимлари. Бу ҳақда KTK телеканалига таяниб, «Kazakhstan Today» хабар қилди.
Илмий ходимларга маҳаллий расмийлар томонидан текшириш учун ташлаб кетилган 6 дона ҳайвонлар мурдаси етарли бўлмади. Қолган 240 дан ортиқ ўлик ҳайвонлар жасади хавфсизлик мақсадида махсус майдонда ёқиб юборилган.
«Улар шундай қарорга келди. Яхши, бироқ бундай вазиятларда икки-учта, боринг-ки бешта жасад билан ҳайвонлар ўлимига нима сабаб бўлганини аниқлай олмаймиз, чунки уларнинг ўлганига анча вақт бўлган», — дейди Олмаота Микробиология ва вирусология институти қошидаги Экология ва вируслар лабораторияси мудири Айдин Қадирманов.
Ҳалок бўлган 250 тюлен — Қозоғистондаги тюленлар популяциясининг бир фоизини ташкил қилади. Назарий жиҳатдан ушбу миқдордаги ҳайвонлар қиш фаслида ўлган ва музлар эриганидан сўнг, бўрон шамоллари уларни қирғоққа чиқариб ташлаган бўлиши мумкин. Бироқ олимлар ҳайвонларнинг ўлимига зарарли захарланиш ҳам сабаб бўлган бўлиши мумкинлигини истисно қилишмаяпти.
25 апрель, сешанба куни Қозоғистоннинг Форт-Шевченко ҳудудидаги қирғоқни кўздан кечириш чоғида 243 та ўлик тюлен аниқланган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)