Халқаро олимлар жамоаси мунтазам жисмоний фаоллик билан шуғулланиш одамнинг семиришга мойиллигига сабаб бўлувчи салбий генетик факторларни пасайтириш имконига эга деган хулосага келди. Тегишли тадқиқот PLOS Genetics журналида чоп этилди.
Мутахассислар мунтазам жисмоний машғулот билан шуғулланиш, семиришга, тахминан, 30 фоиз сабаб бўлувчи FTО генининг фаоллигини камайтиришини аниқлади.
Олимлар 200 мингдан ортиқ инсонлар маълумотларини бирлаштириб турувчи метаанализ натижаларига таяниб шундай хулосага келган. Мутахассислар жисмоний тарбия билан шуғулланиш нафақат FTО фаоллигининг ўзгаришига, балки семиришга сабаб бўлувчи бошқа 11 генларнинг ҳам ўзгаришига олиб келади, деб ҳисобламоқда.
Аввалгидек, жисмоний фаоллик билан шуғулланиш одамда ортиқча вазннинг пайдо бўлиш хавфини камайтирувчи асосий омил бўлиб қолмоқда, дея таъкидланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)