Австралия, Канада, Норвегия, Россия ва АҚШ олимлари мамонтлар яшаган сўнгги плейстоцен экотизимининг нега йўқ бўлиб кетганлигига гувоҳлик берувчи янги сабабларни топди. Тегишли тадқиқот Nature Ecology & Evolution журналида чоп этилди, деб хабар бермоқда Аделаида университети.
Мутахассислар 11—15 минг йил аввал, плейстоцен экотизими йўқолиб кетишидан олдин, Шимолий Америка ва Сибирдаги абадий музликлар эрий бошланган деб ҳисобламоқда. Бу эса ҳаводаги намликнинг ортишига олиб келган, натижада ҳавёнлар учун одатий бўлган яйловлар ўрнини ботқоқ ва торф конлари эгаллай бошлаган. Бу каби жараёнлар туфайли улкан ҳайвонларнинг, жумладан, мамонтлар популяциясининг ажралиши рўй берган.
Олимлар бундай қарорга қадимий плейстоцен экотизимига тааллуқли 51 та ўтхўр ҳайвон (масалан, зубр ва от) суяклари устида радиоуглерод текширишларини олиб боргандан сўнг келган.
Тахминан, ўн минг йил олдин якун топган плейстоценда замонавий Тундра ҳудудида мамонтлар яйловлари юзага келган. Полеонтологик маълумотларнинг кўрсатишича, ҳатто совуқ даврда ҳам бу ҳудуддаги ҳар бир квадрат километрга ўн минг тонна ҳайвон биомассаси тўғри келган. Бу унчалик катта бўлмаган ҳудудда бир вақтнинг ўзида битта мамонт, бешта бизон, олтита от ва ўнта буғу яшаган демакдир.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)