Танқид – бу хоҳ ўқитувчингиздан, хоҳ ота-онангиздан, хоҳ дўстингиздан ёки хоҳ душманингиздан бўлсин, уни эшитиш доим кўнгилсиз. Агар танқид асосли бўлса, сиз уни ривожланишда бир рағбат сифатида фойдалансангиз бўлади. Агар танқиднинг асосий мақсади – сизга зарар етказиш бўлса, сиз бундай мулоҳазаларни ёмон одатлар каби ташлаб юборишга ўрганиш устида ишлашингиз керак. Хўш, буни қандай амалга оширасиз?
Асосли ва асоссиз танқид орасидаги фарқни ажратишга ўрганинг. Бу уни енгиш йўлидаги биринчи қадам. Сиз одамнинг бундай фикри нима билан боғланганини, унинг нияти қандайлигини тушунишни ўрганишингиз зарур.
Агар сиз танқиднинг мутлақо асоссиз, маъносиз ва унинг асосий мақсади сизни ранжитиш эканлигига ишончингиз комил бўлса, у ҳолда сиз мақоланинг иккинчи қисмига ўтишингиз мумкин.
- Мулоҳазанинг нафақат билдириш усулига, балки маъносига ҳам эътибор қаратишга ҳаракат қилинг.
- Сиз мукаммал эмаслигингиз тўғрисидаги ҳақиқатни қабул қилинг. Бу танқидни енгишга жуда катта ёрдам беради. Агар сиз ўз ҳаракатларингизга бироз бўлса-да қарама-қарши жавоб олиш имкониятига эга бўлишни хоҳласангиз, унда ҳар доим ҳамма нарсани тўғри қилаяпман деб ҳисобламанг.
- Юракка яқин олманг. Агар раҳбарингиз охирги пайтларда ишларингиз одатдагидан унумсизроқ бўлиб қолганини айтса, бу сизни танбал ва эринчоқ деб ҳисоблашини билдирмайди; у сизнинг кўпроқ ҳаракат қилишингизни хоҳлайди холос.
Изоҳ (0)