Биз бу замонда чет тилларини ўрганиш қанчалик муҳим эканлиги ва уларни ўрганиш натижасида қандай имкониятларга эга бўлиш ҳақида ёзганмиз. Энди эса келинг, бу жараённи осонроқ ва ёқимлироқ қилиш усуллари ҳақида гаплашамиз.
Ўзингизга ҳар куни туртки беринг
Тилни ўрганиш учун ёш чегараси йўқ. Ҳар қандай ёшдаги одамга керакли ягона нарса — бу мотивация. Энг яхшиси, тилнинг ўзига нисбатан ёки шу тил билан боғлиқ бошқа нарсаларга (фильмлар ёки китоблар, қўшиқлар ёки видеоўйинлар, рассом ёки ёзувчи ёқиши) нисбатан қизиқишнинг бўлиши.Янги нарсаларни синаб кўришдан қўрқманг
Тилни ўрганишнинг ҳамма учун мос келадиган мукаммал усули ҳам мавжуд эмас. Турли усуллар, турли тил мактаблари, турли назариялар гуллаб-яшнайди ва рақобатлашади, урфга киради ва унутилади. Ҳозирча ҳеч бири бошқаларини енгиб чиқмаган.Биттасида тўхташдан олдин бир нечта дарсликларни ўқиб кўринг. Репетитор билан шуғулланишда ҳам дарслик танлашда ўзингиз қатнашинг. Хато қилганингизни тушунгач, дарсликни алмаштиринг.
Ўқитувчини танланг
Дарсларингиз самараси ва натижасига сизга тилни ўргатаётган ўқитувчининг таъсири катта бўлади. Агар сиз бу одам билан ўзингизни ноқулай ҳис қилсангиз, у сизга адолатли муносабатда бўлмаса, сиз уни тушунмасангиз, ҳеч қандай иккиланишларсиз бошқа ўқитувчини танланг.Беш дақиқа қоидаси
Тилни ўрганиш ва билимингизни яхши даражада тутиб туриш учун иккита шароит зарур:- сиз тилни қўллайсиз;
- буни мунтазам равишда амалга оширасиз.
Ёдлаб олманг, ўрганинг
Қоидаларни ва келишиклар номларини ёдлаб олиш шарт эмас — улар қандай ишлатилишини билиш керак, холос. Тўғри иборалар, сўзлар, гаплар, тил конструкциялари, турланиш ва тусланишларни эса албатта ёд олиш зарур.Ёдлаб олишга эмас, ўрганишга ҳаракат қилинг: қоидаларни тушунинг ва амалда қўлланг. Шеърларни, мақолларни қўшиқлар матнларини эса ёд олинг.
Изоҳ (0)