Узилган гуллар тўғри парвариш қилинса узоқроқ туради. Гулларнинг умр кўриш узунлиги қисқа бўлса ҳам, баъзи амалларни билсангиз, уларнинг умрини бир-икки кунга узайтиришингиз мумкин.
Гулларни кераклича узунликда кесинг. Гуллар хилига қараб турлича кесилади. Ҳар бир шохида бир неча ғунчалари бўлган – дельфиния ва настарин каби гулларни уларнинг ҳеч бўлмаса битта ғунчаси очилгандан сўнг кесиш зарур. Гулижавҳар ва кунгабоқар каби шохида фақат битта гули бўлган ўсимликларни гуллари тўлиқ очилгандан сўнг кесган маъқулроқ.
Гулларни иложи борича эрта тонгда кессангиз, улар узоқроқ яшайди.
Гулларни катта ва тоза идишга жойлаштиринг. Ҳар доим бактериялар ва бошқа микроорганизмлар пайдо бўлиш хавфининг олдини олиш учун тоза идишдан фойдаланинг.
Янги узилган гулларни 43,5ºC даражали иссиқ сувга солиб бир-икки соат салқин жойга қўйинг. Иссиқ сув молекулалари шохлар бўйлаб тезроқ ҳаракат қилади ва салқин ҳаво таъсирида гуллар намликни камроқ йўқотади. Шу туфайли улар узоқроқ яшайди.
Баргларини олиб ташланг. Гуллар узоқроқ туриши учун сув ичида турган баргларнинг ҳаммасини олиб ташланг. Сув ичидаги барглар бактериялар учун озуқа бўладиган чириндига айлана бошлайди ва ўз навбатида улар ўсимликнинг бошқа қисмига ҳам зарар етказади.
Сувни алмаштиринг. Гуллар янги туриши учун ҳар куни сувини алмаштиринг. Тоза сув қуйишдан олдин идишдаги ҳамма чиқиндиларни олиб ташланг. Бу инфекция пайдо бўлишининг олдини олади.
Манба: «Our-garden.com»
Изоҳ (0)