Ёзги мавсумда ҳамма ҳам сабзавот ва меваларни тўйиб ейишни, бутун йилга етадиган витаминлар ғамлаб олишни хоҳлайди. Ёзда ўз меҳнати меваларидан баҳраманд бўлиш учун баҳорда нималар экиш керак?
Полизни боғ кўкатларидан бошлаймиз. У ҳеч қачон халал бермайди, янгилигида ҳам ва музлатилган ҳолатда ҳам керак бўлади. Пиёз, саримсоқ ва бошқа кўкатларни экишда ижодий ёндашишга ҳаракат қилинг – уларни унчалик катта бўлмаган айлана ичига, спираль бўйлаб, ёки қутилардан қилинган зиналардан фойдаланиб баланд пирамида шаклида экинг. Яна нималар экса бўлади?
- баҳорги саримсоқ;
- пиёз;
- хушбўй ўтлар;
- петрушка, ошкўклар, шовул, салат барги, редиска. Эрта баҳорда экишдан олдин уруғларни ивитиш шарт эмас;
- эртачи сабзи;
Апрель ойи охирларининг илиқ кунларида эртачи карам экила бошлайди. Узунчоқ қовоқчаларни ҳам экиб кўриш мумкин. Музлаш ҳолатларида эса уларнинг устини ёпишга тўғри келади.
Шунингдек брюссел, савой карамлари, брокколи, помидор уруғларини билан экиш мумкин. Тажрибаларга кўра, тупроқ помидорлари жуда мустаҳкам, ҳар хил касалликларга чидамли бўлиб ўсади.
Май ойи бошларида биринчи бодрингларни очиқ тупроққа экишни бошлаш мумкин. Бундан ташқари май ойида иссиқликни яхши кўрувчи экинлар: маккажўхори, тарвуз, қовун ва қовоқларни экса бўлади.
Изоҳ (0)