Озувчиларнинг кўпчилиги учун парҳездаги энг қўрқинчли нарса — бу одатланган ширинликларидан тўлиқ воз кечиш. Лекин буларни калорияси паст бўлган ширинликларга алмаштириш ҳам мумкин. Асосийси — нимани ва қачон ейиш мумкинлигини қатъий тушуниш.
Парҳез вақтида хамиртурушли пишириқлар ва қаймоқ-ёғлардан ташкил топган тўлдиргичли ширинликлар истеъмол қилиш тавсия этилмайди. Бундай ширинликлар ҳазм қилиш жараёнини секинлаштиради.
Парҳез ҳаётини ширинроқ қилишда биринчи навбатда озиқ-овқатлар таркибидаги ёғларга, кейин эса калориясига эътибор беринг. Калорияни жисмоний машқлар ёрдамида сарф қилса бўлади, ички аъзолар атрофида қалин қатлам бўлиб ўрнашиб олган ёғлардан эса тез ва осон қутулиб бўлмайди.
Тунда истеъмол қилинган ширинликлар ҳатто калорияси жуда паст бўлса ҳам изсиз кетмаслиги ва қоматда ўз аксини топишини унутманг. Ухлаш олдидан ширинлик ейишни хоҳласангиз, ўтлардан чой дамланг ва асал қўшиб ичинг.
Парҳез пайтида паст калорияли ширинликларни қандай истеъмол қилиш керак?
- Ширинликлардан олинган калория кундузги калория меъёрининг 10 фоизидан ошмаслиги керак.
- Сунъий ширин қилувчи қўшимчалардан воз кечинг, чунки улар ширинликка бўлган майлни кучайтириши мумкин.
- Ширинликларни фақат нонушта пайтида ейиш мумкин. Бу қўшимча қувват беради ва ширинликдан олинган калория кун давомида сарфланишга улгуради.
- Калорияси паст бўлса ҳам ширинликни бир ҳафтада 1—2 марта ейиш тавсия қилинади.
Изоҳ (0)