Ҳақиқий воқеаларга асосланган ҳалокатлар ҳақидаги фильмлар

Ҳаётда ҳақиқатда бўлиб ўтган ҳалокатлар ва фожиалар ҳақида ҳикоя қилувчи фильмлар билан танишинг.

«Аполлон 13» (1995)

Ролларда: Том Хенкс, Билл Пекстон, Кевин Бейкон

Фильм коинотнинг ўзлаштирилиши билан боғлиқ энг драматик лаҳзалардан бири — муваффақиятсиз «Аполлон-13» Ой миссияси ҳақида ҳикоя қилади. 1970 йилда «Аполлон-13» астронавтларни Ойга етказган учинчи космик кемага айланиши керак эди. Аммо парвоз вақтида жиддий авария содир бўлди, у нафақат Ойга қўнишни чиппакка чиқарди, балки экипаж ҳаётини ҳам хавф остига қўйди.

«Мукаммал бўрон» (2000)

Ролларда: Жорж Клуни, Марк Уолберг, Даян Лейн

1991 йилда АҚШнинг Атлантика соҳилларидаги Хэллоуин бўрони чоғида юз берган ҳақиқй воқеаларга асосланган драма. Ўшанда офат учта фронтда кузатилди, улардан бири — «Greyс» довули инсоният тарихидаги энг кучли бўронни келтириб чиқарди. «Андреа Гейл» балиқчи кемасининг экипажи ушбу бўрон марказида қолди.

«Имконсиз» (2012)

Ролларда: Наоми Уотц, Юен МакГрегор, Том Холланд, Семюел Жослин

Фильм 2004 йилда Ҳинд океанидаги зилзила ва цунами фонида юз берган ҳодисалар ҳақида. Картина 2004 йил декабрида оиласи билан Таиландда дам олган испаниялик собиқ шифокор аёл бошидан кечирган воқеага асосланган. Ўшанда цунами 200 мингдан ортиқ кишини ҳаётдан олиб кетган, аммо испаниялик оила омон қолишга муваффақ бўлган.

«Кечув» (2014)

Ролларда: Такеси Канесиро, Чжан Сзи, Сон Хё Гю

Фильм 1949 йилда содир бўлган ҳодисаларни ўзига асос қилиб олган. Бу Жон Ву томонидан режалаштирилган ҳарбий ҳаракатлар давридаги Хитой ҳақидаги трилогиянинг биринчи қисмидир. Учта муҳаббат ҳикоялари тинч манзилгоҳлар ҳудудидаги бомбардимонлар ва шафқатсиз жанглар фонида ривожланиб боради.

«Денгиз юрагида» (2015)

Ролларда: Крис Хемсворт, Бенжамин Уокер, Киллиан Мёрфи, Брендан Глисон

Герман Мелвиллни «Моби Дик»ни ёзишга илҳомлантирган ҳақиқий воқеа. 1819 йилда Американинг Эссекс» кемаси йигирма кишилик жамоаси билан Массачусетс штатидаги портдан кит овлаш саноатига йўл олди. 1820 йил кузида бир ярим йил давом этган муваффақиятли ов улкан кашалотнинг кемага ҳужуми натижасида тўхтаб қолди, натижада денгизчилар қайиқларга ўтиришига тўғри келди. Уч ойдан зиёд вақт давомида улар океан ўртасида яшаш учун курашди.

Манба: «Kinopoisk.ru»