Маълум бўлишича, ёғларни нотўғри танлаш ёки нотўғри қўллаш ҳатто энг яхши тайёрлаш усулларини ҳам бузиб қўйиши мумкин экан. Ёғларни қўллаш усуллари шунчалик кўпки, уларнинг ҳаммасини эсда сақлаб қолиш жуда қийин. Шунинг учун, энг яхшиси уларни ёзиб олганингиз маъқул.
Кокос ёғи
Бугунги кунда урф бўлган бу ёғ тансиқ ҳисобланади, бунинг устига тери ва сочлар ҳолатига самарали таъсир кўрсатади. Кокос ёғи таркибидаги мойлар осонгина энергияга айланади ва бу модда алмашинувини тезлаштиради, натижада эса вазнни камайтиради. Машҳур тайёрлаш усулларидаги кўплаб зарарли ёғларни кокос ёғи билан алмаштириш мумкин. Ўртача ҳароратда қовуришда кокос ёғи жуда мос келади ва бу қовурилаётган озиқ-овқатларга ўзига хос маза қўшади.Зайтун ёғи
Бу тозаланмаган ёғ – ўзига хос таъм ва кўплаб фойдали хусусиятларга эга бўлгани учун Ўртаер денгизи таомларининг асосий масаллиғи ҳисобланади. Экстра виржин ёғига бошқа зайтун ёғларидан фарқли равишда иссиқлик ва кимёвий ишлов берилмаган, шунинг учун унинг таркиби витаминлар ва фойдали минералларга жуда бой. Ундан фойдаланишда иссиқлик ҳарорати режимига риоя қилиш керак, чунки у юқори ҳароратда кўплаб фойдали хусусиятларини йўқотади.Авокадо ёғи
Авокадо ёғи, кам учрашига қарамасдан ҳамма ёғлар ичида энг ҳар томонлама ҳисобланади. У уруғидан эмас, балки мевасидан ажратиб олинади. У яллиғланишга қарши хусусиятга эга, юрак-томир касалликларининг олдини олишга ёрдам беради ва босимни меъёрлаштиради. Авокадо ёғи юқори ҳароратга чидамли бўлгани учун деярли ҳамма овқатларни тайёрлашда ишлатиш мумкин, шунингдек ундан майонез тайёрласа ҳам бўлади.Манба: «Steaklovers.menu»
Изоҳ (0)