2017 йилнинг 26 апрель куни Ўзбекистон Республикаси ташқи ишлар вазири Абдулазиз Комилов Туркия Республикаси ташқи ишлар вазири Мавлуд Чавушўғли билан учрашди. Бу ҳақда Ўзбекистон Республикаси Ташқи ишлар вазирлиги матбуот хизмати хабар бермоқда.
Ташқи ишлар вазирликлари ўртасидаги сиёсий маслаҳатлашувларнинг 8-раунди доирасида ташқи сиёсат бошқармалари раҳбарлари томонидан сиёсий-дипломатик, савдо-иқтисодий, сармоявий, ҳарбий-техника, сайёҳлик, маданий-гуманитар ва бошқа соҳаларда икки томонлама муносабатлар ҳолати ва уларни ривожлантириш истиқболлари муҳокама қилинди.
Бўлиб ўтган суҳбат ўзаро ҳамкорликни ривожлантириш ҳамда аксарият долзарб минтақавий ва халқаро муаммолар, шунингдек етакчи халқаро ташкилот ва институтлар, биринчи навбатда, БМТ ва Ислом ҳамкорлик ташкилоти доираларидаги алоқаларни мустаҳкамлаш масалалари бўйича ҳар иккала мамлакат позицияларининг ўхшаш ва мувофиқлигини тасдиқлади.
Музокаралар якунига кўра, вазирлар Икки давлат ташқи сиёсат идоралари ўртасида 2017—2018 йилларга мўлжалланган Ҳамкорлик дастурини имзолади.
Тадбирларда Туркия элчиси Аҳмет Башар Шеен иштирок этди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)