«Ижтимоий фикр» жамоатчилик фикрини ўрганиш маркази оила ва никоҳ, фарзанд тарбияси, фуқароларнинг ижтимоий мақсад ва интилишларига бағишланган сўров ўтказди, дея хабар бермоқда ЎзА.
Қайд этишларича, сўровда Ўзбекистоннинг барча ҳудудларидан турли аҳоли қатламлари вакиллари иштирок этган. Сўровномада иштирок этган респондентлар сони ҳақида батафсил ахборот берилмаган.
Сўров давомида аҳолининг аксарият қисми (99,4 фоизи) ота-она розилиги бўлажак оиланинг бахтли ва аҳил бўлишида муҳим аҳамиятга эга эканини таъкидлаган.
Ота-оналарнинг кўпчилиги фарзандларини яхши тушуниши ва уларга ишонишини қайд этган. Улар бугунги кунда ота-оналар ва фарзандларнинг қарашлари ва ҳаётдаги мақсадлари турлича, деган фикрга қўшилмайди.
Сўровда оилавий қадриятлар авлоддан-авлодга ўтиб келаётгани, катталар ва ёшларнинг фикри бир-бирига мос келиши аниқланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)