25 апрелнинг эътиборга молик янгиликлари — «Дарё»нинг кечки дайжестида.
1. АҚШ Қуролли кучлари Марказий қўмондонлиги қўмондони Жозеф Вотел Ўзбекистонга келди. У билан ташқи ишлар вазири Абдулазиз Комилов ва мудофаа вазири Қобул Бердиев музокаралар олиб борган.
2. Фото: Ислом Каримовнинг ҳайкалини яратиш бўйича халқаро танлов ғолиби. Танловда ҳайкалтарош Илҳом Жабборов таклиф қилган лойиҳа биринчи ўринга лойиқ кўрилган.
3. Тошкентдаги «Элга хизмат»да импорт қилинган картошкаларнинг фақат иккинчи тоифаси сотилаётгани «Ахборот»да танқид қилинди. Хабар беришларича, ўтган йили Ўзбекистонда картошкадан белгиланган ҳосил тўпланмаганлиги боис бу йил баҳорда бозорларда унинг нархи қимматлашган.
4. Уйғуристонда болаларга Ислом, Қуръон, Макка деб исм қўйиш тақиқланди. Хитойда истиқомат қилувчи 23 миллион мусулмоннинг қарийб ярми Шинжон-Уйғур мухтор туманида яшайди.
5. Ўзбекистон аҳолиси йигитлар 24—25 ёшда, қизлар эса 21—23 ёшда оила қуриши мақсадга мувофиқ деб ҳисоблайди. Айни вақтда, аҳолининг 99,4 фоизи «ота-она розилиги бўлажак оиланинг бахтли бўлишида муҳим аҳамиятга эга» дейди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)