Хитой Корея яримороли муаммоларини ҳал этиш БМТ Хавфсизлик кенгаши резолюцияларига зид услублар билан амалга оширилишини ёқламайди. Бу ҳақда Хитой етакчиси Си Цзиньпин АҚШ президенти Дональд Трамп билан телефон орқали мулоқоти чоғида маълум қилди, дея хабар беради «ТАСС».
«Хитой томони БМТ Хавфсизлик кенгаши резолюцияларига зид ҳаракатлар амалга оширилишига буткул қарши. Шунингдек, биз барча манфаатдор томонлар ўзини қўлга олиши ва Корея яриморолида кескинлик кучайишига олиб келадиган уринишлардан ўзини тийишига умид қиламиз», — дея таъкидлади Си Цзиньпин.
Си Цзиньпин айни пайтда барча томонлар масъулиятни чуқур ҳис этиши ва бир-бири сари қадам ташлаши зарурлигини билдирди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)